A Deputación acompaña á Asociación de Persoas Xordas de Lugona celebración do seu 50º Aniversario
O Deputado de Promoción Económica e Social, Pablo Rivera Capón, participou este sábado no Hotel Mercure nos actos celebrados con motivo do 50º Aniversario da Asociación de Persoas Xordas de Lugo (ASORLU). O Deputado subliñou o compromiso da institución de estar ao carón deste colectivo nun día tan especial. “A vosa presenza nos plenos, nos actos e nos espazos públicos non é un simple detalle, senón unha verdadeira lección de democracia”, porque recalcou Rivera Capón, “comunicarnos non depende das cordas vocais, senón do corazón e da vontade de entendérmonos".
A Deputación de Lugo mantén unha colaboración anual con esta asociación, a través da cal a institución aporta unha achega de 23.000€ para a contratación dun intérprete. Esta colaboración reflicte o compromiso da institución coa inclusión e a accesibilidade, traballando para garantir a igualdade de oportunidades para todas as persoas, independentemente das súas circunstancias.
