Negueira de Muñiz celebra a 13º edición da Festa do Viño con caldos recoñecidos coa IXP Terras de Navia

O Deputado de Recursos Sostibles, Roberto Fernández Rico, asistiu este sábado á 13º edición da Festa do Viño de Negueira de Muñiz, unha cita que congrega a centos de persoas no municipio da Montaña en torno aos caldos recoñecidos recentemente coa IXP Terras de Navia. Durante a xornada poderán degustarse máis de 200 litros destes viños elaborados con uva branca lexítima, verdello tinto ou tinto serodo. Ademais, haberá actividades lúdicas para todos os públicos e o pregón de Manuel Cancio, adegueiro da zona.