A Deputación de Lugo achega 40.000€ á CEL para fortalecer o tecido empresarial da provincia
José Tomé destacou que “a CEL desempeña un papel fundamental na promoción das empresas da provincia, e este apoio permitirá á entidade continuar co seu labor, apoiando e fomentando a creación de emprego”
O Presidente da Deputación de Lugo, José Tomé Roca, e o Secretario Xeral da Confederación de Empresarios de Lugo (CEL), Jaime López Vázquez, asinaron no Pazo de San Marcos un convenio de colaboración que contempla unha achega económica de 40.000 euros á entidade.Esta contíaservirá para sufragar os gastos de funcionamento da CEL, garantindo así a continuidade das súas actividades en apoio ás empresas da provincia.
José Tomédestacou a importancia desta colaboración, afirmando que “a CEL desempeña un papel crucial na promoción das empresas da provincia. Esta achega permitirá á entidade continuar co seu labor de apoio aos empresarios e de fomento da creación de emprego”.Subliñou que esta colaboración é un exemplo do compromiso da institución “co fortalecemento do tecido empresarial da provincia, e o impulso de sectores como o agrogandeiro, o comercio, ahostalería, o turismo ou a industria”. Así mesmo, destacou que dende a institución provincial se seguirá colaborando coa CEL para impulsar proxectos que “fortalezan as nosas empresas e xerando novas oportunidades de emprego".
A Deputación de Lugo reafirma así a súa aposta pola cooperación entre as administracións públicas e as entidades empresariais para afrontar os desafíos económicos actuais. Este apoio económico axudará a CEL a manter os seus servizos, pero tamén “a ofrecer asesoramento, formación e recursos valiosos aos empresarios da provincia, contribuíndo ao desenvolvemento e á estabilidade económica local”, detallou o Presidente.
Esta nova colaboración vén a reforzar a estreita relaciónque a Deputación mantén coa Confederaciónde Empresarios de Lugo na organización e desenvolvemento de diferentes iniciativas, subliñando a importancia de traballar conxuntamente para seguir favorecendoe impulsando o crecemento económico da provincia”.
A Confederación de Empresarios de Lugo foi fundada en 1977 como entidade sen ánimo de lucro, de carácter intersectorial e de ámbito provincial.