Arranca unha nova edición da MOEXMU co apoio da Deputación de Lugo de 8.000€
O Deputado de Recursos Sostibles, Francisco Cajoto Caserío, participou este venres na inauguración da 41ª edición Mostra Exposición de Muimenta que se celebra ata o domingo no recinto feiral Manuel Vila López. A cita multisectorial, que se celebrará ata o domingo no concello de Cospeito, conta cunha achega da Deputación de 8.000€.
Cajoto enmarcou esta colaboración no compromiso da institución provincial co sector primario. Sinalou que desde a Deputación “seguimos comprometidos en ofrecer recursos e ferramentas que favorezan a modernización e a competitividade das explotacións, apostando pola formación, pola innovación e a promoción dos nosos produtos locais”. E puxo como exemplo o traballo que desenvolve a Administración na Granxa Gayoso.
A feira conta con máis de 27.000 metros cadrados dedicados a exposición, dos cales 16.000 serán ocupados por maquinaria nova e usada, coches e motos. Este venres está dedicado á veciñanza, polo que a entrada será de balde e o resto dos días, sábado e domingo, o pase terá un coste de 3,5€ para os adultos e gratuíto para os nenos e nenas menores de 12 anos.
Mañá sábadoterá lugar o concurso de gando frisón, a exposición de Rubia Galega e a poxa degando selecto; e o domingo, ademais do concurso de novos manexadores celebrarase unhanova edición do concurso de can de palleiro. Ademais, a feira contará tamén con expositores de fertilizantes, pensos e artesanía.
