Pedrafita do Cebreiro disporá dunha nova máquina quitaneves grazas á Deputación
O Concello de Pedrafita do Cebreiro disporá dunha nova máquina quitaneves grazas á Deputación, que realizar un investimento de 18.000 euros. Trátase dunha colaboración entre ambas administracións para dotar a este municipio da montaña lucense desta maquinaria, moi necesaria, pois é un dos Concellos máis afectados durante o inverno pola acumulación de neve e xeo.
A través desta nova máquina, o Concello poderá acondicionar vías de titularidade municipal e provincial durante os días de maiores nevaradas, complementando, deste xeito ás labores que ofrece de xeito totalmente gratuíto a Deputación a través do dispositivo invernal. O que se busca á facer fronte ás nevadas e xeadas e atender calquera tipo de incidencia que se poida producir na rede viaria do Concello, co fin de facela máis segura para os usuarios.
Ademais das vías municipais, as estradas provinciais máis afectadas pola neve durante o inverno son a LU-P-4504, que vai de Pedrafita ao Portelo; a LU-P-4503, de San Pedro por Busnullán a Nullán; a LU-P-4505 de Louzarela por Queixadoiro a Filloval; LU-P-1301, de Seoane do Courel a Hospital e ramais a Piñeira e Lousada; a LU-P-1304, de Mostade por Romeor a Casares; a LU-P-4501, de Poia á LU‐P‐5601 E acceso a Meiraos, e a LU-P-4502, de Pacios a Seixo.
