A Deputación participa na conferencia sobre o panorama actual da violencia de xénero que imparte a UNED
![](/sites/deputacionlugo.org/files/2021-11/221121%20Xornada%20sobre%20a%20violencia%20de%20x%C3%A9nero%20-%20UNED.jpg)
A Deputada de Formación, Ensino e Economía do Coñecemento, Ana González Abelleira, participou este luns na conferencia Panorama Actual da Violencia de Xénero, que organiza a UNED. A representante provincial destacou que esta actividade da Universidade de Educación a Distancia de Lugo visibiliza e analiza un problema social de extrema gravidade como é a violencia machista. A responsable provincial tamén aproveitou para convidar aos asistentes a participar nos actos que a institución provincial ten preparados para reivindicar esta semana o 25N.