Medio Rural colaborou na xornada de promoción do chícharo da cova que se celebrou esta fin de semana en Xermade
![Susana Trastoy, técnico de Almoga, durante unha das intervencións](/sites/deputacionlugo.org/files/2022-10/IMG-20221015-WA0008.jpg)
Medio Rural da Deputación de Lugo colaborou coa cooperativa chairega Almoga na organización dunha xornada de promoción do “chícharo da cova”, unha leguminosa que ofrece diferentes formas de aproveitamento e cuxo cultivo se está a recuperar nos últimos catro anos.
A xornada, que se celebrou na Antiga Casa do Sindicato de Xermade, contou coas intervencións de Fina Felpeto, presidenta da cooperativa, e de Susana Trastoy e Marcos Besada, técnicos, que expuxeron distintos aspectos da labor de recuperación deste cultivo como vía de diversificación produtiva das granxas e alternativa para avanzar na soberanía alimentaria real, tanto para a poboación como para os propios animais.
A actividade celebrouse coincidindo co Día Internacional das Mulleres Rurais, unha data dedicada ao recoñecemento da contribución das mulleres ao desenvolvemento rural e agrícola. O espíritu da efeméride estivo presente tamén na xornada, xa que a conservación e recuperación do "chícharo da cova" está fundamentalmente en mans de mulleres
A área dirixida por Mónica Freire apoia as diferentes iniciativas de promoción e asesoramento que a cooperativa ofrece a gandeiros e gandeiras ao longo do ano cunha achega de 5.000 euros.