A Deputación de Lugo colabora na edición dun atlas que afonda nos retos medioambientais das cidades galegas
![](/sites/deputacionlugo.org/files/2022-12/DSC_0691.jpg)
A Deputación de Lugo colabora con Economía Digital Galicia na elaboración dun atlas do compromiso medioambiental das cidades galegas.
Esta iniciativa ten como obxectivo poñer o foco nos retos medioambientais aos que se enfrontan os grandes municipios galegos. Entre os parámetros que se contemplan está o Índice de Desenvolvemento Sostible (IDS), Barómetro de Sustentabilidade (BS); Environmental Sustainability Index (ESI); Pegada Ecolóxica (EF), Genuine Progresss Indicator (GPI) e Obxectivos de Desenvolvementos Sostibles (ODS). Ademais, estes parámetros tamén permiten dar outras lecturas máis sectorializadas, como dende a cuestión social, demográfica, seguridade, equipamentos, ou tráfico, facéndoo aínda máis útil.
O estudo será unha ferramenta de utilidade para tomar dende as diferentes administracións medidas que corrixan as eivas e potencien os valores existentes, co que a acción beneficiará á cidadanía. Así mesmo, o proxecto dará visibilidade aos seus recursos naturais e patrimoniais.