OBXETO:

• Consiste no asesoramento en Dereito e a representación e defensa en xuízo en todo tipo de procesos xudiciais, así como ante órganos administrativos e en procedementos arbitrais. 

CONTIDOS:

• Defensa en xuízo e, se é o caso, representación das entidades destinatarias da asistencia en todo tipo de procesos xudiciais, así como ante órganos administrativos e en procedementos arbitrais.
• Defensa e, se é o caso, representación dos membros electos, autoridades e persoal ao servizo das entidades destinatarias diante de calquera orde xurisdicional, nos asuntos derivados directamente do exercicio das súas funcións ou cargos.
• Emisión de informes e ditames fundados en dereito.
• Bastanteo de documentos.
• Remisión de información sobre novidades lexislativas relevantes para as entidades destinatarias da asistencia.
• Elaboración de estudios e circulares informativas sobre temas que se consideren de interese para os concellos.
• Atención permanente ás consultas que se planteen por membros electos das corporacións locais e polos empregados. Estas consultas poderán efectuarse verbalmente nas dependencias da Deputación, por teléfono, por escrito e/ou en liña.

Anualmente, redactarase unha memoria que recollerá de forma sistemática a xurisprudencia máis relevante ditada polos órganos xurisdicionais nos litixios en que actúen os letrados da Deputación.