A Deputación de Lugo condena o crime machista de Baiona
A Deputación de Lugo expresa a súa máis enérxica condena ante o crime machista de Estela Blach, en Baiona. En sinal de repulsa ante este asasinato, o Deputado de Promoción Económica e Social, Pablo Rivera Capón, sumouse este luns ao minuto de silencio que tivo lugar diante da Subdelegación do Goberno en Lugo xunto ao Delegado do Goberno en Galicia, Pedro Blanco, a Subdelegada do Goberno en Lugo, Isabel Rodríguez, a Alcaldesa de Lugo, Paula Alvarellos, e concelleiros e concelleiras da corporación municipal lucense.
