O evento, organizado pola Asociación de Desenvolvemento Rural ODEGA coa colaboración de Unións Agrarias-UPA, o concello de Pedrafita do Cebreiro e o apoio da Deputación de Lugo, reuniu a expertos e profesionais do sector para analizar o impacto de novas enfermidades na cabana gandeira, a situación do mercado cárnico e o futuro da PAC.

O deputado de Cooperación e Asistencia aos Concellos, Xosé María Arias, destacou durante a clausura do foro que “o futuro dos nosos concellos vai ligado indisolublemente ao futuro do sector primario”, defendendo o apoio ás granxas familiares como eixe para fixar poboación no rural.