MUVICLA

Desfile de Gando ExpoLugo Rural 2019

O Museo Vivo e Integrado do Campo e a Locomoción Agraria (MUVICLA) é un proxecto museolóxico innovador, para mellorar o coñecemento do rural galego de xeito integrado dentro dunha explotación agrogandeira en activo e co atractivo da maquinaria agrícola de época. Todas as pezas “expostas” están “vivas” e en funcionamento.

MUVICLA persegue un enfoque vinculante da historia de mecanización agraria co desenvolvemento rural sostible, posto que suaviza as diferencias entre os que creen que a produción de alimentos é posible sen tanta inversión en tecnoloxía mecánica e os que cren pola contra que sen máquinas cada vez máis complexas non é posible alimentar a crecente poboación mundial. En todo caso, a estrutura expositiva, a información parexa e o discurso recibido na visita ao MUVICLA transmitirá a paixón suficiente para transmitir os encantos e apaixoantes retos de vivir no rural e do rural. 

Todo comeza cando o promotor desta idea de museo, vivo (tódalas pezas funcionan ao 100%) e integrado (porque está no núcleo dunha casa de labranza en pleno funcionamento), decide restaurar un tractor, alá polo ano 2000, baixo a premisa de non desfacerse de unha ferramenta que custa moito sacrificio adquirir nunha casa de labranza, e, mentras está en activo serve para alimentar a quen o usa e a axudar a facelo a toda a sociedade. A partir de aí a velocidade de progresión desta actividade multiplicouse, xurdindo paralelamente o xermolo da Asociación Galega de Amigos da Maquinaria Agrícola Clásica, asociación que marcou ritmo e tendencia a nivel do territorio Galego, Español e Internacional en eventos de promoción do medio rural, a través da arqueoloxía industrial agraria, e co fin de aumentar a autoestima do traballador do medio rural. Esta asociación, nacida no ano 2006, tivo xa no ano 2008 a capacidade de organizar, por primeira vez na historia, a “Primeira Peregrinación en Tractor Agrícola de Época a Santiago de Compostela”, documentándoo nun documental audiovisual en varios idiomas; na actualidade, a asociación, despois de celebrar máis de 10 anos de andadura, ter realizado máis de 80 eventos de relevancia considerable, e varias poublicacións escritas e audiovisuais, ten consolidada a súa finalidade e un recoñecido prestixio.

Desde o momento en que os actuais responsables da Casa de Vázquez deciden destinar a colección e recursos a formar o MUVICLA, establécese un novo criterio que determinará as adquisicións, a distribución das instalacións e a adaptación á normativa vixente, coa finalidade de poder amosar, no entorno da casa de labranza en plena actividade, un dos museos de Galicia máis dinámicos e cun criterio de excelencia excepcional no seu contido e concepto, entre os Museos dedicados ao medio rural e á maquinaria agraria, precisamente pola concepción de “vivo” e “integrado”. Avánzase tamén no desenvolvendo dunha labor de mecenado, en canto á recuperación dalgunhas das pezas, de maquinaria agraria, que se irán adquirindo en avanzado estado de deterioro, pero que pola súa transcendencia cultural e social formarían parte do patrimonio industrial e social, cunha especial atención ao patrimonio pertencente a Galicia. 

En canto á localización, tanto a colección, como os almacéns de pezas para mostra futura, elementos de reposto e talleres de restauración atópase no lugar descrito na xustificación da ubicación. A colección ten desta forma un lugar onde iniciar a súa almacenaxe en perfecto estado de conservación. Sen supoñer custos adicionais que dificulten a viabilidade económica no futuro. Cun pequeno percorrido polas visitas recibidas na Casa de Vázquez desde que se iniciou a restauración de maquinaria agrícola de época e a xestación do museo, tamén a participación en algúns eventos, e tendo en conta o seu curto período de vida poderemos entender e visualizar o alcance en verdadeira magnitude que se pretende alcanzar co Museo. Igualmente é necesario realizar a pequena análise das actividades para xustificar o nome que pretende identificar o mellor posible o proxecto museológico. MUVICLA, foi o resultado dun proceso democrático de discusión onde a derradeira palabra a tivo o membro máis novo da familia, Brais, con 12 anos, que propuxo cambiar MVICLA (so as iniciais), por MUVICLA (coa sílaba de museo), quedando así disposta a configuración final do nome.

A área de Medio Rural, Mar e Mocidade colabora con 3.680,82 € coa exposición temporal “Promoción e difusión da historia do medio rural a través da mecanización”  onde se expoñen diversos exemplos de marcas de automóbiles de luxo que comezaron fabricando maquinaria agricola e mostrando como o medio rural e a agricultura constitúen as orixes de nosa cultura, reflexionando sobre a importancia de manter vivo o rural. 

Visita escolar ás instalacións de MUVICLA

Marcos Vazquez no desfile de gando da ExpoLugo 2019

Maquinaria Agrícola en MUVICLA

Visita escolar ás instalacións de MUVICLA