PACTO POLO EMPREGO I
O proxecto Lugo Pacto Provincial polo Emprego (convocatoria 2007) constituíuse dende sus inicios co único obxectivo de fomentar o emprego na provincia de Lugo (a excepción do concello de Lugo), centrándose para iso en deseñar accións formativas nos principais nichos de emprego identificados na provincia e dirixilas aos desempregados lucenses, en especial a aqueles colectivos máis desfavorecidos socialmente (menores de 30 anos, maiores de 45 anos, parados de longa duración e outros colectivos en risco de exclusión social).
Para acometer o obxectivo do proxecto foi necesario ao comezo do mesmo realizar un estudo de identificación das principais necesidades formativas da provincia, a través do cal identificáronse as profesións con maior potencial de xerar emprego en cada un dos concellos lucenses, a excepción do de Lugo. Dirixíronse a aqueles perfís laborais máis desfavorecidos socialmente.
O resultado do estudo realizado concluiu que as accións formativas a potenciar para fomentar o emprego daqueles colectivos máis desfavorecidos recaeu en actividades profesionais vencelladas á atención socio- sanitaria de persoas con especiais necesidades (nenos, terceira idade, persoas dependentes, discapacitados, etc.) e con actividades do sector da hostalería e turismo. Non obstante, e nunha segunda etapa do proxecto tras a finalización das accións formativas deseñadas inicialmente, o emprego tentouse potenciar tamén a través da formación en actividades profesionais con amplas oportunidades de busca de emprego (empregos verdes comercio internacional, TIC´s, etc.).
Como fruto deste estudo conformouse o Plan de Emprego, constituído por un itinerario de inserción socio- laboral composto por formación específica, transversal, complementaria e práctica profesional non laboral, tal e como se reflicte a continuación:
Formación específica:
- Atención socio- sanitaria a persoas no domicilio
- Atención socio- sanitaria a persoas dependentes en institucións sociais
- Coidador de discapacitados físicos e psíquicos
- Atención especializada a enfermos de Alzheimer
- Auxiliar de enfermaría en xeriatría
- Monitor socio- cultural
- Monitor actividades tempo libre infantil e xuvenil
- Servizos de restaurante e bar
- Aproveitamentos forestais
- Promoción turística local e información ao visitante
- Técnico de transporte sanitario
- Operacións auxiliares de fabricación
- Operacións básicas de pisos e aloxamentos
- Produtor de hortalizas ecolóxicas
- Actividades auxiliares en viveiros, xardíns e centros de xardinería
- Instalador de impermeabilización
- Mantemento e reparación de calefacción e auga quente sanitaria
- Edificación sostible
- Técnico en comercio exterior
- Xestión comercial de vendas
- Administrador de servidores e páxinas web
- Dinamización de actividades tempo libre educativo infantil e xuvenil
Formación transversal obligatoria:
- Fomento das novas tecnoloxías da información e a comunicación
- Fomento da non discriminación e loita contra a exclusión social
- Fomento da igualdade de oportunidades entre mulleres e homes
- Fomento do coidado e do respecto ao medio ambiente
- Sensibilización ambiental
- Prevención de riscos laborais
- Igualdade de oportunidades
- Manipulador de alimentos
- Novas tecnoloxías de información e comunicación
Formación complementaria:
- Emprendedurismo colaborativo
- Obradoiro de autoemprego
- Obradoiro de busca de emprego
- Obradoiro de habilidades sociais